अरिंगालले चिल्दा गोरखामा एक जनाको मृत्यु भएको छ । अरिंगालले चिल्दा घाइते भएका पालुङटार नगरपालिका–९, सानोबेंसीका ६५ वर्षीय जयबहादुर कुँवरको मृत्यु भएको हो ।
कुँवर मंगलबार साँझ घाइते अवस्थामा भेटिएका थिए । जिल्ला प्रहरी कार्यालय गोरखाका डीएसपी रमेशकुमार श्रेष्ठका अनुसार घरमै प्राथमिक उपचारका क्रममै कुँवरको मृत्यु भएको हो । कुँवरको शव पोस्टमार्टमका लागि गोरखा अस्पताल ल्याइएको छ ।
