श्रावण ३० दैलो खबर सुर्खेत।
कर्णाली प्रदेश सरकारमा मुख्यमन्त्री माननीय यामलाल कँडेलले सार्वजनिक यातायात व्यबस्था र प्रहरी जाँचपास वारे सरोकारवाला सरकारी संयन्त्रसँग वि.स. २०८१ साल साउन २९ गते मुख्यमन्त्री कार्यालयमा बैठक आयोजना गरेका थिए ।
बैठकमा नियमित कार्यसुचिका अतिरिक्त यस सम्बन्धमा दैनिक आईरहेका उजुरी, गुनासा, सामाजिक संजालका गुनासा र संचार माध्याममा प्रेषित समाचार सम्बन्धमा पनि छलफल भएको छ।
१) कर्णाली प्रदेशको प्रवेशद्वार बबई नाका देखि हाल नियमित यातायात चलिरहेका जुम्ला सम्म करिव २२ स्थानमा जाँचपास हुने आजसम्मको अवस्थालाई बदल्नु पर्ने। बबईमा डिजिटल प्रविधि मार्फत जाँचपासको आवश्यक प्रवन्धकालागि पहलकदमी गर्ने। सम्पुर्ण प्रहरी चौकीमा ईन्ट्री गर्ने तर जाँचपास निस्चितमा मात्र गर्ने।
२) चेक जाँचपासको क्रममा खटिएका प्रहरी र यातायात साधन पक्षधरको राजिखुशी भैरहेका लेनादेना सुन्यमा झार्ने। ट्राफिक नियमको उल्लंघन छ भने जरिवाना गरि राजस्व संकलन गर्ने।
३) यातायातका साधनहरुले रोडपरमिटको ख्याल गरिकन मात्र यात्रु राख्ने।
४) सार्वजनिक यातायातको भाडादर समायानुकुल बनाउने। र पक्की सडक भैसकेका ठाउमा पनि कच्ची सडकको भाडादर नराख्ने।
५) राजमार्ग व्यबस्थित र ट्राफिक मैत्री बनाउन पहलकदमी गर्ने।
६) सवारी तथा यातायात व्यबस्था ऐनको परिधिभित्र रहेर नै कानुन कार्यान्वयन, सार्वजनिक सेवा र यातायात साधनको व्यबस्थापन गर्ने।
७) सार्वजनिक सडक किनारामा निर्माण सामाग्री र बिग्रिएका थोत्रा सवारी साधन लामो समयदेखि राख्न नदिने।
लगायतका विषयमा मुख्यमन्त्रीले स्पष्ट निर्देशन दिएका छन् ।
बैठकमा भौतिक पुर्वाधार तथा सहरी विकास मन्त्री सहित सरोकारवाला सरकारी संयन्त्रका प्रमुखको सहभागीता थियो।
कर्णाली प्रदेश प्रहरी प्रमुख, भौतिक तथा सहरी विकास मन्त्रालयका सचिव, प्रमुख जिल्ला अधिकारी, यातायात व्यबस्था कार्यलय सुर्खेत प्रमुख र प्रदेश ट्राफिक कार्यलय प्रमुखले सम्पुर्ण परिस्थितिको मुख्यमन्त्रीलाई जानकारी गराएका थिए ।
