नेप्से परिसूचक १५.९३ अंक घटेर बन्द

खानीखोला हाइड्रोपावरको शेयरमूल्य सर्वाधिक ९.९८ प्रतिशत बढेको छ। त्यस्तै, सुपर मादी हाइड्रोपावरको शेयरमूल्य ९.९५ प्रतिशत बढेको छ भने मानुषी लघुवित्तको शेयरमूल्य ९.८१ प्रतिशत बढेको छ। कारोबारमा आएको सपोर्ट हाइक्रोफाइनान्सको शेयरमूल्य भने सर्वाधिक ८.३७ प्रतिशत घटेको छ। त्यसैगरी, नेपाल फाइनान्सको शेयरमूल्य  ७ प्रतिशतभन्दा बढी घटेको छ।

कारोबार रकमका आधारमा नेपाल फाइनान्स शीर्ष स्थानमा रहेको छ। सो फाइनान्सको  ४२ करोड १९ लाख रुपैयाँ बराबरको शेयर कारोबार भएको छ। त्यस्तै,  एनआरएन इन्फ्रास्ट्रक्चर एण्ड डेभलपमेन्टको २९ करोडभन्दा बढीको शेयर खरिदबिक्री भएको छ भने लाइफ इन्स्योरेन्स कर्पोरेशन (नेपाल) को करिब २१ करोडको शेयर किनबेच भएको छ।

१३ उपसमूहमध्ये २ उपसमूहको परिसूचक बढेको छ भने ११ उपसमूहको परिसूचक घटेको छ। व्यापार उपसमूहको परिसूचक सर्वाधिक ३.६७ प्रतिशत बढेको छ भने जीवन बीमा उपसमूहको परिसूचक ०.७९ प्रतिशत बढेको छ भने होटल तथा पर्यटन उपसमूहको परिसूचक सर्वाधिक ३.६३ प्रतिशत घटेको छ। त्यसैगरी,  वित्त उपसमूहको परिसूचक करिब ३ प्रतिशत बढेको छ भने विपकास बैंक, उत्पादन तथा प्रशोधन र लघुवित्त उपसमूहको परिसूचक १ प्रतिशतभन्दा बढी घटेको छ।